阿媽教落,醃肉呢,就用油鹽糖豆粉。但係砂糖係加工的,不是最健康,所以我家的黑糖用得比砂糖快好多。好似話黑糖健康D嘛。一路聽聞原來韓國人係用生果醃肉的,貪其果糖會令肉質軟化。尋晚終於試了一次,效果十分理想!

我用的是雪梨。我先把一個雪梨刨成蓉,一半醃解好凍的牛肋骨肉、一半待用。

我用錫紙封住,醃了一晚,與紅蘿蔔及洋蔥同炆。好食得很!食譜如下:

材料:(二人份)

牛肋肉/牛肋骨一包(我用了急凍的👌🏼)

紅蘿蔔 2 條

洋蔥半個

雪梨一個

老抽/生抽/鹽/冰糖各少許

做法

1)前一晚(其實我覺得一個鐘前都應該OK)把牛肋骨解凍,混入一半雪梨茸與少許鹽(生抽、老抽可加可不加),用錫紙包好放入雪櫃下層。

2)準備炆前,把洋蔥切大片、蘿蔔切粒。

3)先把洋蔥與蘿蔔下鑊以中火炒香(此時可下點醬油),再下牛肋骨齊炒至牛肋骨半熟。

4)將所有材料倒進先預熱的煲內。加水將材料覆蓋至水滾。即是咁:

  
5)下另一半雪梨茸與冰糖同煮(慢火炆)

6)收水就可以食了。我開了另一個雪梨切條拌碟,懶靚咁囉。但個人覺得夾埋新鮮雪梨都係好食的。😊

  

文:Ms Yu,八十後教師,相信一切源自教育。也信美食令人快樂。😊

相關連結:

其他食譜

Advertisements