話說,我從來都未掂過一條新鮮魚的。因為我一諗起佢滑潺潺就驚咗。😥 我亦從來無打算鑽研魚如何煮。

可惜好景不常,我嫁了一個喜歡吃新鮮海魚的老公。😑 但一路我都無整過一條魚過佢食。

今日,適逢假期。佢約我出街,地點係荃灣街市。😑佢話:「嘩!睇吓D青斑幾抵!七十蚊咋!」

😒 我鄙視了佢一眼:「好啦,買啦。我今晚整啦!」

結果老公歡天喜地,我就忐忑不安。

回家,倒咗條魚落洗碗盤。望住佢、開行水、篤一篤佢、吸口氣、洗啊洗…咁就OK咗,唔驚嘞!✌🏼️

抹乾後,阿魚係咁樣的:

  

我打算用最唔會整到成身一陣魚味的方法煮佢:鹽焗魚。上網研究完一輪就開工了。材料簡單,係準備的步驟有點麻煩。


材料

魚一條(我這條大概斤半,街市阿嬸幫我劏好👍🏼))

一包粗鹽(500克)

蛋白一隻

薑片或香草適量(用來塞魚肚位置)

方法
1)先將焗爐預熱至 180 – 200’C(視乎魚大小,我調到 200’C)

2)將蛋白打起至頗挺身,然後把全包鹽混入蛋白。(逐少落)

 

3)將薑片/,香草塞進魚肚

4)把混好蛋白的鹽堆滿魚身上下左右。

 

5) 用橄欖油搽勻錫紙,將魚放上去,把魚用錫紙包包起。

6)把原條魚放進焗爐,焗約 30 分鐘。

  

7)切開錫紙,把鹽小心撥開。

8)將魚上碟。(可以調簡單醬汁點來吃。我用了半個青檸與少許橄欖油)

  

唔…我一向都唔識+唔太鐘意食魚,所以我唔知係算好食定唔好食。老公話 OK 就得了。👌🏼

文:Ms Yu,八十後教師,相信一切源自教育。也信美食令人快樂。😊

相關連結:

其他食譜

Featured image:Cratfsy.com

Advertisements