早前見到人網上有人示範整一樣叫「Eggs in clouds」的東西。「雲上的蛋」 — 個名浪漫到呢。😏 今朝起身諗起雪櫃仲有兩隻蛋剩,就決定整嘞。

我呢一世人,從未試過咁認真對待過一隻蛋。整到我身水身汗。好,一齊回顧一下如何整。

材料,就只有蛋。

1) 首先,要小心打蛋,將蛋白同蛋黃分開。

2) 最勞動的步驟:打蛋白至挺身。打啊打,直至你可以將打蛋的碗掉轉都唔跌就得嘞。(我在呢一刻自己在廚房為自己鼓了十下掌,我老公在廳問我做乜鬼,我話覺得自己好勁揪 😂)

3)這一步非必要。如果想蛋白有點味,可加點芝士、煙肉粒或蔥花等。我刨了些 Parmesan Cheese,輕輕混進蛋白。

4)將蛋白均勻放在牛油紙上,便成了雲。記得用羹響舊雲上挖個淺窿,一陣用來放蛋黃。

5)將焗爐預熱至200’C,將舊雲焗 3-4 分鐘。出來是咁的。

6)到呢步,平日姐手姐腳如我的人就要注意了,因為成功在望不容有失。請小心翼翼將蛋黃放在那舊雲的窿上。

7)很好。呢個時候就影張相啦。這是最靚仔的時刻。

8)好,影完相就可以放入焗爐嘞。又係 200’C,3-4分鐘。(我焗耐咗少少)出爐是咁的。我大叫吩咐我老公準備拍掌。

9)搬上碟懶靚咁就得㗎喇!(我今朝煎整熱咗D宜家肉丸同炒咗D大蘑菇伴碟)

 

最後,不是專登潑自己冷水,整色整水後,都係覺得嫩滑炒蛋好食的。😂😂 我老公都係咁講。但整到呢舊雲上的蛋,廚藝好似升咗個呢咁,自我感覺非常良好。😁😁😁

文:Ms Yu,八十後教師,相信一切源自教育。也信美食令人快樂。😊

相關連結:

其他食譜

Advertisements