人屆中女之年,變會開始對健康食品有興趣。以前從來唔會煲啲乜水物水飲,最愛是盒裝檸檬茶。這幾年卻竟然戒了甜飲與汽水,唔係專登戒,只不過開始覺得好難入口,應該係味蕾轉變了。

不過我又唔會特登專研D難食的偏方,始終口福都係好重要的。前兩星期我老公提議不如試吓食布緯食療(Budwig Diet),我一聽到「食療」就好抗拒,以為又係D戒澱粉戒甜品戒零食紅肉海鮮乜乜乜的偏方,所以就無理佢。因為我以前試所有「diet」都係唔成功的。😑

之後自己上網 search,發覺原來 Budwig Diet 係好有料到的食療,聲稱可以治療癌症。就算無病無痛,食咗都對身體好。我睇咗好多資料,覺得食吓係無壞的,但最主要的原因就係易整:材料只有兩種,分別係茅屋芝士(cottage cheese)與亞麻籽油(Flaxseed Oil),既然兩樣都係天然食材,就算無咩效果都起碼安全。仲有,個人認為好味到不得了!食譜就係咁簡單:

材料:(一人份)

茅屋芝士兩湯匙

亞麻籽油一湯匙(Cold pressed flaxseed oil)

  

做法

1)茅屋芝士與亞麻籽油同放進攪拌器。

 

2)攪拌至忌廉狀(直至兩種材料完全混合,下圖中黃色的就是未攪拌好的亞麻籽油,需要再攪拌多一會。)
  

3)網上有人提議加牛奶、生果等。我就覺得就咁食都好好食,有點似鷹嘴豆泥(Hummus)。

 

有人可能會問可唔可以用來當忌廉芝士搽麵包,因為布緯食療係唔主張病人食麵粉的,所以我會一早起身就齋食。不過我覺得如果用來搽麵包係好食的,不過唔知我唔知會唔會減低吸收,所以我會一早起身就咁食兩湯匙當早餐一部份。👌🏼

唔知係咪心理作用,我食完第一天晚上比平時瞓得好咗,第二朝唔洗鬧鐘都自己自然醒。

不過順帶一提,有人初試這食療會有少少反應,因為突然食一羹油落肚,可能會有點唔適應。要注意一下。我就完全無不良反應,所以決定以後一星期食兩三次。再順帶一提,Cottage cheese 係新鮮芝士,唔擺得耐,所以超市常有減價!👍🏼 

我不是專家,所以在此分享一些有關布緯食療(Budwig diet)的連結以供大家參考:

1)蘋果日報文章

2)嚴浩文章

3)The Budwig Diet by the Budwig Centre 

文:Ms Yu,八十後教師,相信一切源自教育。也信美食令人快樂。😊

相關連結:

其他食譜
   

Advertisements