早前買了一包生薏米、一包熟薏米,打算整檸檬薏米水,一直無時間,現在終於忙完,到了靜待聖誕假期的日子了。

有人會問,天寒地凍煲鬼乜薏米水?唔係夏天用嚟清熱去濕咩?係,但唔好忘記佢去水腫的功效;好多時,冬天水腫情況分分鐘勁過夏天,再者,檸檬又能美白。

去水與美白是沒分季節的。你話係咪?😁 

中醫話我的我體質屬於寒與濕,即係肥膩煎炸甜嘢凍嘢都最好唔好掂的類別 – 即係跟足就完全無人生意義嗰 type。😑 

我已經戒咗飲凍嘢幾年,感覺係好咗的。但做人無得食朱古力啊、薯片啊等零食實在太殘酷了。😖

所以中醫叫我可以春夏秋冬長期飲薏米水去濕,幫個忙。

其實完全唔難整的,但唔可以一醒起想整就走去廚房煲,因為薏米係要浸同過水的。

材料

熟薏米 50g

生薏米 50g

檸檬一個(切片)

水兩公升
  
做法

1)將生薏米浸至少一小時,期間最好過幾次水 – 乾貨始終驚有防腐劑。

2)熟薏米本身都軟身,所以浸半小時都 OK。

3)把浸好的生熟薏米到進水以大火煲滾,滾起後轉熄火煲一小時
 

一小時前
 
 
一小時後
 

4)熄火後把切好片的檸檬加進煲內,焗一陣。
  

5)趁熱飲

 

有人會在煮的期間加冰糖,我就無加了。戒甜嘛,哈哈。😁

文:Ms Yu,八十後教師,相信一切源自教育。也信美食令人快樂。😊

相關連結:

其他食譜

Advertisements