Cassarole (法國烤鍋)其實有點像一品鍋;乜都倒曬落個鍋度,一焗就食得。懶人首選!✌🏼️

有時知道聽晚會出街食飯,又突然懶好咁唔忍心老公在家煮麵食,就不如整定一份 Cassarole,等佢第二自己叮熱食。我整的 Cassarole 通常有肉有菜有澱粉質,所以一鍋就夠一餐有凸。

今晚整咗份以雞髀為主的烤鍋,材料簡單到不得了。Cassarole 做法其實幾好玩的,因為好似層層疊。

材料

雞全髀兩至三隻(我今次用了一隻雞全髀、兩隻雞槌)

美國新薯兩個(切厚片)

紅蘿蔔一條(切厚片)

乾蔥兩個(隨意切細)

蒜頭三瓣(隨意切細)

粗鹽三茶匙

黑胡椒三茶匙

橄欖油三湯匙

香草適量

蜜糖少許

Tabasco 少許(如嗜辣)

做法

1)先用鹽、黑胡椒與香草醃好雞腿。

2)於烤鍋底部塗上一層橄欖油,均勻灑上約一茶匙粗鹽及一茶匙黑胡椒,亦可隨意灑上乾香草。

  

3)第二層,均勻灑上乾蔥於蒜頭粒。

  

4)第三層,鋪上切好的薯仔與紅蘿蔔。

  

5)最後一層,把雞腿放在烤鍋上,在塗一層橄欖油。

6)此時可以用錫紙包好。

 

7)如非立刻食用,可連錫紙放進雪櫃,第二天才焗。

8)把焗爐預熱至 180’C;先將烤鍋焗一個小時。拿出來,掀開錫紙是咁樣的:
  

9)此時可在雞腿上搽點蜜糖或加點 tabasco。

10)把烤鍋再放進焗爐(這次不要蓋上錫紙),待雞腿皮焗至脆就食得嘞!😁 即是咁,幾靚仔的!👍🏼
  
唔好睇少鍋底的雞汁~可以留嚟下餐炒意粉,你會好感謝自己。(突然諗,甚至可以用來撈飯!!)唔鍾意食菜的老公更主動要求下次落多D蔬菜鋪底。因為雞汁真係唔講得笑。

我這款烤鍋比較健康、材料也很少。好多時 Cassarole 食譜都會加忌廉啊~芝士啊~通心粉啊咁。我都鐘意加的,但因為呢餐為我老公而設,佢係乜都比較鐘意原汁原味的朋友,所以我唔搞太多嘢。下次再分享其他 Cassarole 食譜吧。👍🏼

文:Ms Yu,八十後教師,相信一切源自教育。也信美食令人快樂。😊

相關連結:

其他食譜

Advertisements