豬扒,係一樣我好少諗起想整,但整完又覺得好好食嘅餸。 煎豬扒其實真係易過借火,其實只要搵任何嘢醃一醃、然後拍少少麵粉就可以煎,十分鐘後食得。👍🏼

今日太晏落街買餸,乜都俾人買曬,只剩豬扒。好啦,就煎豬扒啦,但為免乾爭爭,就煮個蘋果醋汁拌碟啦,無咁肥膩。

材料

豬扒四塊

蘋果一個(去皮、切粒)

蘋果醋半湯匙

蜜糖一湯匙

醬油半湯匙

   

做法

1)先將豬扒醃好(我用了鹽、黑椒和五味粉),再拍上麵粉。備用。

2)準備蘋果醋汁,將蘋果醋、蜜糖和醬油混好,備用。

3)豬扒醃約廿分鐘後便能落鑊用中至大火煎,此時也可加入蘋果粒,讓豬扒吸收一些蘋果味。

   

4)按豬扒厚度,每邊煎約三至五分鐘。

5)煎至兩邊都呈金黃色便可上碟。

  

6)用同一鑊煮醬汁,先將蘋果粒兜熱,再下蜜糖蘋果醋及醬油。煮至滾,收點汁。便能淋於豬扒上。

7)由醃豬扒到食得,唔洗半個鐘。快靚正之選。👍🏼

 

文:Ms Yu,八十後教師,相信一切源自教育。也信美食令人快樂。😊

相關連結:

其他食譜

Advertisements